Chili : 80 anplwaye leta nan depatman migrasyon aprann pale kreyòl

Selon dènye kominike ki soti nan Depatman Migrasyon peyi Chili, gen yon kou kreyòl ayisyen depatman sa mete kanpe pou fonksyone chilyen yo.

Kou sila se pou pèmèt anplwaye ki nan depatman migrasyon yo, kapab pi byen kominike ak Ayisyen ki ap fè demand pou rezidans.

Gen yon total 80 anplwaye nan enstitisyon an ki fenk boukle kou sa a. Se yon Ayisyen ki rele Emmanuel Cimméus ki ap travay nan menm enstitisyon sila ki te responsab pou bay ansèyman kreyòl la pandan 2 mwa.

Se ak anpil satisfaksyon chèf depatman migrasyon (DEM) an, Gabriella Cabellos te remèt sètifika bay patisipan yo, kote li felisite yo paske yo reyisi pwemye kou kreyòl sila ki pral pèmèt yo konprann epi kominike pi byen ak Ayisyen k’ap frekante ofis imigrasyon Chili.

Constant Legagneur

Articles liés

error: Contenu protégé